Angren shahrida is gazidan zaharlanib, vafot etish holati yuz berdi. Bu haqda IIV Jamoatchilik va OAV bilan aloqalar boshqarmasi xabar berdi.
Ma’lum bo‘lishicha, Angren shahridagi “Ko‘kterak” mahallasida yashovchi A.N. 24-aprelga o‘tar kechasi uyida isitish pechiga ko‘mir yoqib, uxlab qolgan.
Oqibatida o‘zi va rafiqasi O‘.N. ko‘mir isidan zaharlanib, voqea joyida vafot etgan. Hozirda hodisa yuzasidan surishtiruv ishlari olib borilmoqda.
Avvalroq Toshkent viloyatidagi xonadonda ona va uning qizi, Surxondaryodagi poliklinika qozonxonasida xodim is gazidan zaharlanib vafot etgani haqida xabar berilgan edi.
Izoh (0)