Joriy yilning 13-fevral kuni umumiy qiymati bir milliard dollar miqdoridagi 5 va 10 yil muddatli O‘zbekistonning xalqaro obligatsiyalari (xalqaro obligatsiyalar) jahon moliya bozorlarida joylashtirilgach, 14-fevral kunidan ularning ikkilamchi bozordagi savdosi boshlandi.
Moliya vazirligining “Daryo”ga ma’lum qilishicha, o‘tgan ikki oy mobaynida xalqaro obligatsiyalarning ikkilamchi bozordagi narxlari barqaror darajada saqlanib turdi hamda jahon moliyaviy bozorlaridagi umumiy trendlar doirasida o‘zgarib, global iqtisodiyotda yuz berayotgan jarayonlar, makroiqtisodiy o‘zgarishlar va kutilmalar ta’siri ostida shakllanib bordi:
- 5 yillik xalqaro obligatsiyalar narxlarining o‘z nominal qiymatiga nisbatan tebranishi 99,200-100,950 foiz (daromadliligi mos ravishda 4,532 — 4,933 foiz) oralig‘ida, shu jumladan 19-aprel kuni holatiga — 100,333 foiz (daromadligi — 4,670 foiz);
- 10 yillik xalqaro obligatsiyalar narxlarining o‘z nominal qiymatiga nisbatan tebranishi 98,000—100,523 foiz (daromadliligi mos ravishda 5,306—5,640 foiz) oralig‘ida, shu jumladan 19-aprel kuni holatiga — 100,160 foiz (daromadligi — 5,353 foiz).
Ma’lumot uchun: xalqaro obligatsiyalarning narxi obligatsiyalar daromadliligiga teskari proporsional bo‘lib, obligatsiyalar narxi ko‘tarilganida daromadlilik foiz stavkasi pasayadi.
Izoh (0)