Жорий йилнинг 13 февраль куни умумий қиймати бир миллиард доллар миқдоридаги 5 ва 10 йил муддатли Ўзбекистоннинг халқаро облигациялари (халқаро облигациялар) жаҳон молия бозорларида жойлаштирилгач, 14 февраль кунидан уларнинг иккиламчи бозордаги савдоси бошланди.
Молия вазирлигининг «Дарё»га маълум қилишича, ўтган икки ой мобайнида халқаро облигацияларнинг иккиламчи бозордаги нархлари барқарор даражада сақланиб турди ҳамда жаҳон молиявий бозорларидаги умумий трендлар доирасида ўзгариб, глобал иқтисодиётда юз бераётган жараёнлар, макроиқтисодий ўзгаришлар ва кутилмалар таъсири остида шаклланиб борди:
- 5 йиллик халқаро облигациялар нархларининг ўз номинал қийматига нисбатан тебраниши 99,200-100,950 фоиз (даромадлилиги мос равишда 4,532 — 4,933 фоиз) оралиғида, шу жумладан 19 апрель куни ҳолатига — 100,333 фоиз (даромадлиги — 4,670 фоиз);
- 10 йиллик халқаро облигациялар нархларининг ўз номинал қийматига нисбатан тебраниши 98,000—100,523 фоиз (даромадлилиги мос равишда 5,306—5,640 фоиз) оралиғида, шу жумладан 19 апрель куни ҳолатига — 100,160 фоиз (даромадлиги — 5,353 фоиз).
Маълумот учун: халқаро облигацияларнинг нархи облигациялар даромадлилигига тескари пропорсионал бўлиб, облигациялар нархи кўтарилганида даромадлилик фоиз ставкаси пасаяди.
Изоҳ (0)