Kaliforniya sudi 13 nafar bolani qamoqda saqlagan er-xotin Devid va Luiza Turpinni 25 yildan so‘ng shartli ozod qilish huquqi bilan umrbod qamoq jazosiga hukm qildi. Bu haqda Meduza xabar berdi.
Fevral oyida sud er-xotin Turpinlarni zo‘rlik ishlatish, qiynoqqa solish va noqonuniy ravishda ozodlikdan mahrum qilishda aybdor deb topgan.
Ma’lum bo‘lishicha, kaliforniyalik Devid va Luiza o‘zlarining 13 nafar farzandlarini asirlikda saqlagan. Ular bolalarini karavotga bog‘lab qo‘ygan, kunda bir marta ovqat bergan va yilda bir marta yuvinishga ruxsat bergan.
Bu haqda 2018-yilning yanvar oyida ularning 17 yoshli qizi uydan qochib ketib politsiyaga xabar berganida ma’lum bo‘lgan.
Izoh (0)