Калифорния суди 13 нафар болани қамоқда сақлаган эр-хотин Дэвид ва Луиза Турпинни 25 йилдан сўнг шартли озод қилиш ҳуқуқи билан умрбод қамоқ жазосига ҳукм қилди. Бу ҳақда Meduza хабар берди.
Февраль ойида суд эр-хотин Турпинларни зўрлик ишлатиш, қийноққа солиш ва ноқонуний равишда озодликдан маҳрум қилишда айбдор деб топган.
Маълум бўлишича, калифорниялик Дэвид ва Луиза ўзларининг 13 нафар фарзандларини асирликда сақлаган. Улар болаларини каравотга боғлаб қўйган, кунда бир марта овқат берган ва йилда бир марта ювинишга рухсат берган.
Бу ҳақда 2018 йилнинг январь ойида уларнинг 17 ёшли қизи уйдан қочиб кетиб полицияга хабар берганида маълум бўлган.
Изоҳ (0)