Rossiyada 2018-yili jinoyatlarning atigi 3,5 foizi migrantlar tomonidan sodir etilgan

Rossiyada xorijiy fuqarolar tomonidan amalga oshirilayotgan jinoyatlar soni kamayib bormoqda. Bu haqda Federatsiya Kengashida hisobot bergan bosh prokuror Yuriy Chayka ma’lum qildi, deya xabar beradi Sputnik.

“2018-yilda xorijiy fuqarolar va fuqaroligi bo‘lmagan shaxslar tomonidan amalga oshirilgan jinoyatlarning umumiy ulushi 3,5 foizni tashkil qildi. 2016—2017-yillarda bu ko‘rsatkich 3,7 foizga teng edi”, — dedi bosh prokuror hisobotida.

Migrantlar tomonidan amalga oshirilayotgan jinoyatlar soni Qrim, Moskva viloyati va Sankt-Peterburgda Rossiyaning boshqa hududlariga qaraganda nisbatan ko‘proq.

Xorijiy fuqarolar amalga oshirayotgan jinoyatlar orasida eng ko‘pi o‘g‘irlik: u jami jinoyatlarning chorak qismini tashkil qiladi.