Rossiyada Istiqbolli texnologiyalarni rivojlantirish markazi (ITRM) mahsulotlarni markirovka qilish bo‘yicha davlat tizimining rasmiy operatori maqomiga ega bo‘ldi, deb yozadi “TASS”. Hukumat rahbari Dmitriy Medvedevning tegishli farmoyishi e’lon qilindi.
2017-yilda tashkil qilingan ITRMning 50 foizi Alisher Usmonovning USM Holdings xoldingiga, 25 foizi — “Rostex” davlat korporatsiyasiga, qolgan 25 foizi esa Almaz Capital’ning boshqaruvchi sherigi Aleksandr Galitskiyga tegishli.
Avvalroq ITRM turli sohalardagi markirovka bo‘yicha sinov loyihalari operatori hisoblanar edi, 2019-yil 1-iyundan mo‘ynani markirovka qilish tizimi operatoriga aylanishi kerak.
2019-yilda Rossiya hukumati atirlar, shina va pokrishkalar, choyshablar, fotokameralar va ba’zi turdagi kiyimlarga nisbatan majburiy markirovkani joriy qilmoqchi, 2024-yilga kelib, markirovka barcha toifadagi mahsulotlar uchun amal qiladi.
Izoh (0)