Qozog‘istonda muddatidan oldin prezidentlik saylovlari o‘tkaziladi

Qozog‘iston prezidenti Qosim-Jomart To‘qayev 9-aprel, seshanba kuni mahalliy telekanallar efirida mamlakat fuqarolariga murojaat bilan chiqdi, deb xabar berdi “Nur.kz”.

Qosim-Jomart To‘qayev o‘z murojaatida mamlakatda muddatidan ilgari prezidentlik saylovlari o‘tkazilishini e’lon qildi.

“Konstitutsiyaga muvofiq men Qozog‘iston respublikasi prezidentligiga muddatidan avval saylov o‘tkazishga qaror qildim. Saylov 2019-yilning 9-iyun kuni bo‘lib o‘tadi”, — deydi Qosim-Jomart To‘qayev.

U bu masalada elbasi – “millat yetakchisi” Nursulton Nazarboyev bilan maslahatlashganini qayd etib o‘tgan.

To‘qayev o‘z murojaatida saylovlarda ishtirok etishi masalasiga oydinlik kiritmagan.