O‘tgan oyda Nyu-Yorkning Manxetten shahrida Islomiy jamiyatning musulmonlari juma namozi uchun joysiz qoldi, deya xabar berdi “IslamToday”.
Musulmonlar masjid yonida nima qilarini bilmay boshi qotib turganida ruhoniy Stefani Kolin qo‘shni Markaziy sinagoganing xizmatlaridan foydalanishni taklif qildi.
Namozni boshqargan imom bu onlarni Nyu-Yorkdagi hayoti davomidagi eng muborak daqiqalardan biri deb atadi.
“Ko‘plab musulmonlarning sinagoga ichida ibodat qilganining guvohi bo‘lish... Buni naqadar ajoyibligini ta’riflashga so‘z ojiz”, — deydi Nyu-Yorkdagi ibodatxona ruhoniysi Endi Kan.
1846-yilda asos solingan markaziy sinagoga islohot jamoatini qabul qiladi va liberal yahudiylarning fikrini himoya qiladi. Uning birinchi ruhoniysi — Anjela Varnik Buxdal, u osiyo-amerikalik obro‘li ayol arboblardan bo‘lgan.
Ayrim qarama-qarshiliklarga va jamoalar orasidagi kelishmovchilikka qaramay, har ikki din vakillari ikki xil guruhning umumiy til topishishi mumkinligining yaqqol namunasini ko‘rsatdi.
Izoh (0)