Avstriya poytaxti Venada 5-aprel kuni avtonom aerotaksining birinchi sinovi bo‘lib o‘tdi, deb xabar berdi “Korrespondent.net”.
Bortida yo‘lovchilar bo‘lgan EHang 216 aeromobili Vena markazidagi futbol stadionida bir qator qo‘nish va uchishlarni muvaffaqiyatli yakunlagan.
“2025-yilga kelib Avstriyada havo taksilari uchishi juda ham real voqeadek ko‘rinmoqda”, — deb aytgan taqdimot marosimida Avstriya transport vaziri Norbert Gofer.
EHang 216 aeromobili yon tomonida sakkizta vintli elektr uzatmali dron bo‘lib, yuqorisida, korpusning markaziy qismida yo‘lovchilar kabinasi joylashgan.
Xabarda aytilishicha, Avstriyaning Austro Control fuqarolik aviatsiyasi boshqarmasi va Yevropa aviatsiya xavfsizligi agentligi (EASA) havo kemasini sertifikatlash va bunday reyslarni zaruriy huquqiy tartibga solishni yo‘lga qo‘yish bo‘yicha ishlar amalga oshirilmoqda.
EHang 216 aerotaksining maksimal tezligi soatiga 160 kilometr bo‘lib, ikki yo‘lovchi va bir necha yuklarni 80 kilometr masofaga olib borishi mumkin.
Qayd etilishicha, 2019-yilning ikkinchi yarmida Avstriyada havo taksisining birinchi seriyasini ishlab chiqarish boshlanadi. Uning taxminiy narxi 300 ming yevroni tashkil etadi.
Izoh (0)