Ramazon kunlari Singapur va Indoneziyada “Xoja Bahouddin Naqshband” filmi namoyish etiladi

Ramazon oyida Singapur va Malayziyada “O‘zbekkino” milliy mahsulotlari namoyish etiladi. Bu haqda O‘zA xabar berdi.

Singapurning Bomanbridge va Indoneziyaning MNC Media kompaniyalari kinobozorga olib borilgan “O‘zbekiston – Islom sivilizatsiyasi markazi”, “Xojai jahon Abduxoliq G‘ijduvoniy”, “Xoja Bahouddin Naqshband”, “Qadimiy Buxoro” kabi hujjatli filmlarga qiziqish bildirdi.

Ular ushbu filmlarni Janubiy-sharqiy Osiyodagi musulmon aholiga ega mamlakatlar telekanallarida Ramazon oyi tuhfasi sifatida keng namoyish etish uchun xarid qilish maqsadida tijorat takliflari bilan chiqqan.

Hozirda kompaniyalar bilan shartnomalar imzolangan bo‘lib, Ramazon oyida filmlar namoyishi kutilmoqda.