Bugun, 27-mart kuni O‘zbekiston Milliy matbuot markazida “Geodeziya va kartografiya sohasiga innovatsion texnologiyalarni yanada keng jalb qilish borasida belgilangan ustuvor vazifalar” mavzuida matbuot anjumani bo‘lib o‘tdi. Bu haqda Yergeodezkadastr qo‘mitasi matbuot xizmati xabar berdi.
Matbuot anjumanida quyidagi mavzular bo‘yicha taqdimot qilindi:
- geodeziya va kartografiya sohasiga innovatsion texnologiyalarni tadbiq qilish;
- Milliy geografik axborot tizimini yaratish va uning qulayliklari;
- “Kartografiya” davlat ilmiy ishlab chiqarish korxonasining faoliyati.
Shuningdek, kun tartibiga muvofiq “Ko‘chmas mulkni ro‘yxatdan o‘tkazish va kadastr tizimini modernizatsiyalash” loyihasi doirasida e’lon qilingan jurnalistlar o‘rtasidagi tanlovning g‘oliblarini esdalik sovg‘alar bilan taqdirlash marosimi o‘tkazildi.
Tanlov natijalariga ko‘ra, “Daryo” internet nashri bosh muharriri Alisher Azimov ham taqdirlandi.
Izoh (0)