Xalq ta’lim vaziri Sherzod Shermatov Toshkent shahri, Olmazor tumanidagi 22-sonli umumta’lim maktabi kutubxonasiga kitoblar sovg‘a qildi. Bu haqda vazirlik axborot xizmati xabar berdi.
Vazir o‘zi tahsil olgan o‘quv muassasasiga sovg‘a qilgan kitoblar asosan ertaklar, shuningdek, o‘zbek va jahon adabiyoti namunalaridan iborat.
—Insonning ma’naviy ulg‘ayishida kitob muhim ahamiyat kasb etadi. Farzandlarimiz qalbida kitobga nisbatan mehr-muhabbatni yanada kuchaytirish, ularda mutolaaga bo‘lgan ishtiyoqni oshirishimiz lozim, — dedi Sherzod Shermatov.
Eslatib o‘tamiz, 19-mart kuni o‘tkazilgan videoselektor yig‘ilishida Prezident Shavkat Mirziyoyev rahbarlar shaxsiy kutubxonasidan o‘zi ta’lim olgan maktab kutubxonasiga kitoblar sovg‘a qilishi tashabbusini ilgari surgandi.
Izoh (0)