Халқ таълим вазири Шерзод Шерматов Тошкент шаҳри, Олмазор туманидаги 22-сонли умумтаълим мактаби кутубхонасига китоблар совға қилди. Бу ҳақда вазирлик ахборот хизмати хабар берди.
Вазир ўзи таҳсил олган ўқув муассасасига совға қилган китоблар асосан эртаклар, шунингдек, ўзбек ва жаҳон адабиёти намуналаридан иборат.
—Инсоннинг маънавий улғайишида китоб муҳим аҳамият касб этади. Фарзандларимиз қалбида китобга нисбатан меҳр-муҳаббатни янада кучайтириш, уларда мутолаага бўлган иштиёқни оширишимиз лозим, — деди Шерзод Шерматов.
Эслатиб ўтамиз, 19 март куни ўтказилган видеоселектор йиғилишида Президент Шавкат Мирзиёев раҳбарлар шахсий кутубхонасидан ўзи таълим олган мактаб кутубхонасига китоблар совға қилиши ташаббусини илгари сурганди.
Изоҳ (0)