Yoshlar ittifoqi, O‘zbekistonning Germaniyadagi elchixonasi hamda O‘zbekiston yoshlari umumjahon assosatsiyasi hamkorligida Berlinda “Germaniyada O‘zbekiston yoshlari kuni” mavzuida ma’naviy-ma’rifiy tadbir tashkil etildi. Bu haqda “Daryo”ga Yoshlar media markazi ma’lum qildi.
Tadbir davomida O‘zbekistonning Germaniyadagi Favqulodda va muxtor elchisi Nabijon Qosimov, O‘zbekiston yoshlari umumjahon assosatsiyasining Germaniyadagi vakili Kamoliddin Berdiyev bugungi kunda mazkur mamlakatda tahsil olayotgan o‘zbekistonlik yoshlar va ularning ta’lim jarayonida faolliklari haqida mulohazalarini bildirib o‘tdi.
Turizmni rivojlantirish qo‘mitasi boshqarma boshlig‘i O‘tkir Saidov tomonidan O‘zbekistonning turistik salohiyatiga bag‘ishlangan videolavha namoyish etildi.
Tadbir ishtirokchilari va tashkilotchilar o‘rtasida uyushtirilgan jonli muloqot ham qizg‘in bahs-munozaralarga boy bo‘ldi.
Shu kuni “O‘zbegim” milliy raqs ansamblining chiqishlari, talabalar ishtirokida sahnalashtirilgan “Kelin salom”, aytishuv, arqon tortish o‘yinlari o‘tkazildi.
Tadbir yakunida tashkilotchilar tomonidan ishtirokchilarga esdalik sovg‘alari topshirildi.
Izoh (0)