“Hashar week” loyihasining ilk manzili Buloqboshi bo‘ldi

Chekka tumanlar, qishloqlar va mahallalardagi ekin maydonlari sifatida foydalanilayotgan ayrim dala maydonlarining yo‘llari chiqindixonalarga aylanmoqda. Ana shunday manzillardan biri Andijon viloyati, Buloqboshi tumanidagi “Zarg‘aldoq” mahallasining to‘qayzor yo‘llari edi, deya xabar beradi O‘zA.

Bu yo‘llar shu yerlik aholi tomonidan zovur bo‘ylariga to‘kilgan turli chiqindilarga to‘lib ketganligi havoning ifloslanishiga olib kelgan. O‘zbekiston yoshlar ittifoqi Buloqboshi tuman kengashi, “Avtoyo‘l” qurilish korxonasi, “Zarg‘aldoq” MFY bu yo‘l bilan tanishib chiqib, dasturga kiritdi. Yangi haftadan yo‘llarni ta’mirlash ishlari olib borilishi haqida kelishib olindi.

Yoshlar ittifoqi Buloqboshi tuman kengashi tashabbusi bilan to‘qayzorda “Hashar week” loyihasi tashkil etildi. Loyihada maktab o‘quvchilari, bandligi ta’minlanmagan yoshlar, tuman kengashi xodimlari, yetakchilar kengashi a’zolari hamda yoshlar yetakchilari ishtirok etdi.

Loyiha davomida tashlandilar maxsus qoplarga solinib, yuk mashinasiga ortildi.