Innovatsion rivojlanish hamda Axborot texnologiyalari va kommunikatsiyalarini rivojlantirish vazirliklari mas’ullaridan tashkil topgan delegatsiya Tataristonning Innopolis shahriga safar qildi. Bu haqda “Daryo”ga Innovatsion rivojlanish vazirligi matbuot xizmati ma’lum qildi.
Innopolis Tatariston poytaxti Qozonning yo‘ldosh shahri bo‘lib, keyingi 25 yil ichida yo‘q joydan barbod etilgan Rossiyaning sanoqli shaharlardan biridir. Moskva atrofidagi Skolkovo va Novosibirskdagi Kolsovodan so‘ng ilm-fan bilan shug‘ullanishga barcha sharoitlar yaratilgan Rossiyaning uchinchi kenti sifatida ta’riflanadigan Innopolis axborot va innovatsion texnologiyalarini rivojlantirish uchun yaratilgan.
O‘zbekiston delegatsiyasi Innopolis shahrining alohida obyektlari bilan tanishishi davomida Innopolis Universitetining rahbariyati bilan uchrashuv bo‘lib o‘tdi. Universitet direktori Kirill Semenixin va prorektori Iskandar Bariyev universitetning asosiy yo‘nalishlari va samarali yechimlari bilan tanishtirdir. Universitet tomonidan ishlab chiqilgan qishloq xo‘jaligini raqamlashtirish bo‘yicha dasturiy mahsulot o‘zbekistonlik delegatsiya vakillarida katta qiziqish uyg‘otdi. Yer resurslari va ekinlarini montoringini yuritish va tahlil qilishga qaratilgan bu loyiha Innovatsion rivojlanish vazirligining ayni kunlardagi faoliyati samaradorligiga ijobiy ta’sir qilishini inobatga olgan holda, yer maydonlarini ekin ekishga yaroqliligini aniqlovchi va qanday urug‘ ekish lozimligini aniqlashga ko‘maklashuvchi CesuimJS axborot modulini joriy etish bo‘yicha tajriba loyihasini amalga oshirish imkoniyatlari muhokama etildi.
Uchrashuv natijalariga ko‘ra Innovatsion rivojlanish vazirining birinchi o‘rinbosari v.b.Sharof Rajabbayev va Innopolis Universitetining prorektori Iskandar Bariyev hamkorlik to‘g‘risidagi kelishuv imzoladi. Unga ko‘ra, tomonlar yagona axborot ilmiy-ta’lim muhitini yaratish, ta’lim va ilm-fan sohasida hamkorlik qilish, innovatsion faoliyatni amalga oshirish, dasturiy mahsulotlarni ishlab chiqish va joriy etish, hamkorlikdagi AT loyihalarni amalga oshirishga kelishdi. Bundan tashqari iqtidorli talabalarni qo‘llab-quvvatlash, talabalarning stajirovka o‘tashlarini tashkil etish xodimlarni o‘qitish va malakasini oshirish kabi muhim yo‘nalishlarni rivojlantirish kelishuvning eng muhim jihatlaridandir.
Ma’lumot uchun, Innopolis universitetida ta’lim ingliz tilida olib boriladi, 87 nafar professor dars beradi.
Izoh (0)