Инновацион ривожланиш ҳамда Ахборот технологиялари ва коммуникацияларини ривожлантириш вазирликлари масъулларидан ташкил топган делегация Татаристоннинг Иннополис шаҳрига сафар қилди. Бу ҳақда «Дарё»га Инновацион ривожланиш вазирлиги матбуот хизмати маълум қилди.
Иннополис Татаристон пойтахти Қозоннинг йўлдош шаҳри бўлиб, кейинги 25 йил ичида йўқ жойдан барбод этилган Россиянинг саноқли шаҳарлардан биридир. Москва атрофидаги Сколково ва Новосибирскдаги Колсоводан сўнг илм-фан билан шуғулланишга барча шароитлар яратилган Россиянинг учинчи кенти сифатида таърифланадиган Иннополис ахборот ва инновацион технологияларини ривожлантириш учун яратилган.
Ўзбекистон делегацияси Иннополис шаҳрининг алоҳида объектлари билан танишиши давомида Иннополис Университетининг раҳбарияти билан учрашув бўлиб ўтди. Университет директори Кирилл Семенихин ва проректори Искандар Бариев университетнинг асосий йўналишлари ва самарали ечимлари билан таништирдир. Университет томонидан ишлаб чиқилган қишлоқ хўжалигини рақамлаштириш бўйича дастурий маҳсулот ўзбекистонлик делегация вакилларида катта қизиқиш уйғотди. Ер ресурслари ва экинларини монторингини юритиш ва таҳлил қилишга қаратилган бу лойиҳа Инновацион ривожланиш вазирлигининг айни кунлардаги фаолияти самарадорлигига ижобий таъсир қилишини инобатга олган ҳолда, ер майдонларини экин экишга яроқлилигини аниқловчи ва қандай уруғ экиш лозимлигини аниқлашга кўмаклашувчи CesuimJS ахборот модулини жорий этиш бўйича тажриба лойиҳасини амалга ошириш имкониятлари муҳокама этилди.
Учрашув натижаларига кўра Инновацион ривожланиш вазирининг биринчи ўринбосари в.б.Шароф Ражаббаев ва Иннополис Университетининг проректори Искандар Бариев ҳамкорлик тўғрисидаги келишув имзолади. Унга кўра, томонлар ягона ахборот илмий-таълим муҳитини яратиш, таълим ва илм-фан соҳасида ҳамкорлик қилиш, инновацион фаолиятни амалга ошириш, дастурий маҳсулотларни ишлаб чиқиш ва жорий этиш, ҳамкорликдаги АТ лойиҳаларни амалга оширишга келишди. Бундан ташқари иқтидорли талабаларни қўллаб-қувватлаш, талабаларнинг стажировка ўташларини ташкил этиш ходимларни ўқитиш ва малакасини ошириш каби муҳим йўналишларни ривожлантириш келишувнинг энг муҳим жиҳатларидандир.
Маълумот учун, Иннополис университетида таълим инглиз тилида олиб борилади, 87 нафар профессор дарс беради.
Изоҳ (0)