Tyumen davlat universiteti tashabbusi bilan an’anaviy tarzda o‘tkaziladigan rus tilini xorijiy til sifatida o‘zlashtirish darajasini tekshiruvchi xalqaro olimpiadada O‘zbekiston sharafini himoya qilgan Alisher Navoiy nomidagi Toshkent davlat o‘zbek tili va adabiyoti universiteti talabalari g‘olib bo‘ldi. Bu haqda universitet matbuot xizmati “Daryo”ga ma’lum qildi.
Ushbu musobaqada O‘zbekiston, Qozog‘iston, Nigeriya, Vyetnam, Suriya, Kolumbiya, Tojikiston, Qirg‘iziston, Venesuela, Jazoir, Serbiya, Malayziya, Misr, Ekvador, Gana, Chad, Marokash, Afg‘oniston, Mali, Turkmaniston, Mo‘g‘uliston, Zambiya va boshqa ko‘plab davlatlardan saralangan 104 nafar yoshlar tanlovning yakunlovchi bosqichida ishtirok etdi. Ular orasida 20 nafar o‘zbekistonlik talaba ham musobaqada qatnashdi. Ikki bosqichli olimpiadada talabalarning rus tilida tinglab tushunish, so‘zlash va mantiqiy izchilikda bexato yozish ko‘nikmalari sinovdan o‘tkazildi.
Teng kurashlar ostida o‘tgan bellashuvda A va B guruhlarida mutlaq g‘oliblik O‘zbekiston vakillari, ya’ni Alisher Navoiy nomidagi Toshkent davlat o‘zbek tili va adabiyoti universiteti talabalariga nasib etdi. Umumjamoa hisobida O‘zbekistondan keyingi o‘rinlarni Suriya, Tojikiston, Afg‘oniston, Zambiya, Vetnam va Misr vakillari qo‘lga kiritishdi. Tanlov g‘oliblarini tanatanali taqdirlash marosimi ham onlayn rejimida o‘tkazildi. Barcha sovrindorlar nomi ma’lum qilinib, ularga g‘oliblik sertifikatlari va esdalik sovg‘alari topshirildi.
Ma’lumot uchun, mazkur olimpiada g‘oliblariga Rossiya OTMlarida ijtimoiy soha bo‘yicha magistraturagakirish imkoniyati beriladi, qolaversa, ularni Tyumen davlat universiteti yozgi maktabiga taklif qiladi.
Izoh (0)