Qurolli Kuchlar akademiyasida ilk marotaba yosh ofitserlar forumi o‘tkazildi

26-fevral kuni Qurolli Kuchlar akademiyasida ilk marotaba yosh ofitserlar forumi bo‘lib o‘tdi, deb xabar berdi Mudofaa vazirligi matbuot xizmati.

Forumda kursantlar, o‘tgan yilgi mavsum bitiruvchilari-leytenantlar, Mudofaa vazirligi mutasaddi ofitserlari, oliy harbiy ta’lim muassasalarining o‘qituvchilari ishtirok etgan.

Forumda oliy harbiy ta’lim muassasalarining 2018-yilgi bitiruvchilarini harbiy-kasbiy faoliyatini obyektiv o‘rganish, Mudofaa vazirligi qo‘shinlari faoliyatini tartibga soluvchi me’yoriy-huquqiy hujjatlar talablarini yetkazish; O‘zbekiston Qurolli Kuchlarida o‘tkazilayotgan islohotlar mohiyatini tushuntirish, harbiy bo‘linmalarda yosh ofitserlarni professional shakllanishi hamda xizmat vazifalarini sifatli va samarali bajarishlariga to‘sqinlik qiluvchi tizimli kamchiliklarni aniqlash va boshqa masalalar muhokama qilingan.

Forum yakunida faol va tashabbuskor ishtirokchilarga Mudofaa vaziri nomidan faxriy yorliq hamda esdalik sovg‘alari topshirildi.

Tadbirga Qurolli Kuchlar markaziy ashula va raqs ansambli xonanda va raqqosalari chiqish qilgan.