26 февраль куни Қуролли Кучлар академиясида илк маротаба ёш офицерлар форуми бўлиб ўтди, деб хабар берди Мудофаа вазирлиги матбуот хизмати.
Форумда курсантлар, ўтган йилги мавсум битирувчилари-лейтенантлар, Мудофаа вазирлиги мутасадди офицерлари, олий ҳарбий таълим муассасаларининг ўқитувчилари иштирок этган.
Форумда олий ҳарбий таълим муассасаларининг 2018 йилги битирувчиларини ҳарбий-касбий фаолиятини объектив ўрганиш, Мудофаа вазирлиги қўшинлари фаолиятини тартибга солувчи меъёрий-ҳуқуқий ҳужжатлар талабларини етказиш; Ўзбекистон Қуролли Кучларида ўтказилаётган ислоҳотлар моҳиятини тушунтириш, ҳарбий бўлинмаларда ёш офицерларни профессионал шаклланиши ҳамда хизмат вазифаларини сифатли ва самарали бажаришларига тўсқинлик қилувчи тизимли камчиликларни аниқлаш ва бошқа масалалар муҳокама қилинган.
Форум якунида фаол ва ташаббускор иштирокчиларга Мудофаа вазири номидан фахрий ёрлиқ ҳамда эсдалик совғалари топширилди.
Тадбирга Қуролли Кучлар марказий ашула ва рақс ансамбли хонанда ва раққосалари чиқиш қилган.
Изоҳ (0)