2019-yilning 27-fevral kuni Birlashgan millatlar tashkiloti Taraqqiyot dasturi Qoraqalpog‘iston o‘rmon xo‘jaligi qo‘mitasiga Nukusda “O‘zbekistonning qurg‘oqchil hududlarida joylashgan fermer va dehqon xo‘jaliklarining iqlimiy barqarorligini ta’minlash” qo‘shma loyihasini amalga oshirish doirasida qishloq xo‘jaligi uskunalari va texnikasini topshirdi. Bu haqda BMTTD axborot xizmati xabar berdi.
Uskunalarning bir qismi O‘zbekistondagi BMTTD va O‘zbekiston Respublikasi O‘rmon xo‘jaligi qo‘mitasi o‘rtasida tuzilgan memorandumga muvofiq xarid qilingan.
Hujjat 2018-yilning may oyida imzolangan.
Memorandumga ko‘ra, traktorlar, hamda oldinroq olib kelingan daraxt o‘tqazish mashinalari, yuqori tuproq qatlamiga ishlov beruvchi pluglari, zovur qazgichlar, tuproqni chuqur yumshatgichlar va boshqalar Orol dengizining qurigan tubida daraxt o‘tqazish va meliorativ ishlarini bajarishda va yaylovlar unumdorligini saqlash va yaxshilash uchun ishlatiladi.
Adaptatsiya jamg‘armasining moliyaviy ko‘magida amalga oshirilayotgan yuqorida tilga olingan loyihaning asosiy maqsadi - qurg‘oqchilikning ta’siriga eng duchor bo‘ladiganO‘zbekiston hududlarida iqlim o‘zgarishlariga chidamli bo‘lgan qishloq xo‘jaligi va chorvachilik xo‘jaliklarini yaratishdan iboratdir. Loyihaning namunaviy hududlari Qoraqalpog‘istonda joylashgan.
Loyihaning ko‘magida, landshaft darajasida iqlim o‘zgarishiga moslashish bo‘yicha chora-tadbirlar sifatida Qoraqalpog‘istonda ilk marotaba 10ta yaylov kooperativlari tashkil etildi. Qishloq jamoalarida yaylov chorvachiligini tashkil etish, yaylovlarni samarali boshqarish va degradatsiyaga duchor bo‘lgan yerlarni yaxshilash ularning asosiy vazifasi hisoblanadi.
Kegeyli, Taxtako‘pir, Chimboy, Qonliko‘l va Muynoq tumanlaridagi kooperativlar faoliyatiga 43455 nafar odam jalb qilingan. Kooperativlarni yaratish yangi ish o‘rinlarini va qurg‘oqchilikning yuqori xatari bo‘lgan sharoitlarda mahalliy hamjamiyatlarni barqarorligini ta’minlash maqsadida bilimlar va ko‘nikmalarni oshirish bo‘yicha ishlarni bajarish imkonini berdi.
Marosim doirasida kooperativ hamjamiyatlar vakillariga yem-xashak bazasini mustahkamlash uchun traktorlar, o‘roq, hashakni yig‘ib oluvchi mashinalar, degradatsiyaga duchor bo‘lgan yaylovlarni tiklash va unumdorligini oshirish maqsadida liman usulida sug‘orishni ta’minlash uchun suv nasoslari taqdim etildi.
Izoh (0)