O‘zbekistonlik ikki yigit Rossiya Federatsiyasiga avtobus yukxonasida, chegara nazoratini chetlab o‘tgan holda kirishga urindi, deb yozadi “Nuz.uz”.
Ikkala qoidabuzarga ham mamlakat hududiga kirish 2020-yil oxiriga qadar taqiqlangan edi, shu sababli ular Rossiyaga noqonuniy kirmoqchi bo‘lgan. O‘zbekistonliklar avtobus haydovchisiga pul to‘lagan, u esa chegarani kesib o‘tishda yigitlarni yukxona bo‘limidagi pana burchakka yashirib qo‘ygan.
Qoidabuzarlar Kulundinskiy tumani hududida Rossiya bilan chegarani muvaffaqiyatli kesib o‘tgan, ularni chagarachilar payqamagan. Ammo o‘sha kuniyoq Novosibirsk viloyati hududida ularni Rossiya Federal xavfsizlik xizmati Chegara boshqarmasi organlari qo‘lga olgan.
O‘zbekiston fuqarolariga nisbatan jinoyat ishi qo‘zg‘atilgan. Oltoy o‘lkasi prokuraturasi ma’lumotlariga ko‘ra, mamlakat hududiga noqonuniy kirganlik uchun yigitlar olti yilgacha ozodlikdan mahrum bo‘lishi mumkin.
Izoh (0)