Qatarning Redco International sanoat xoldingi direktori Saif Ar-Rahmon Xon energetika yo‘nalishi bo‘yicha O‘zbekistonda yirik loyihalarni amalga oshirishga qiziqish bildirmoqda. Bu haqda O‘zbekiston Tashqi savdo va investitsiyalar vazirligiga asoslanib, “Kun.uz” xabar bermoqda.
Yengil sanoat, temir qurilmalar, beton ishlab chiqarish sohasida yetakchi bo‘lgan, 14 mingdan ortiq xodimlarni birlashtirgan kompaniya O‘zbekistonda muqobil energiya bo‘yicha loyihalarni amalga oshirishni taklif etmoqda.
Qayd etishlaricha, Qatar kompaniyasi shunga o‘xshash loyihalarni Ozarboyjon, Pokiston, Nigeriya va Qozog‘istonda amalga oshirgan, bunda ishlab chiqarilgan 1 kvatt/s energiya 4 sentga tushgan.
“Shuningdek, kompaniya Toshkent shahri va boshqa hududlardagi bir qator mehmonxonalarni xususiylashtirish masalasida qiziqishini bildirdi”, — deyiladi vazirlik axborotida.
Izoh (0)