O‘zbekiston iqtisodini ochib, tashqi shoklarga va hamkor-davlatlardagi vaziyat har doim ham ijobiy bo‘lmasligiga ko‘nikishi kerak, deya ta’kidladi Markaziy bankning birinchi o‘rinbosari Timur Ishmetov “Gazeta.uz”ga bergan intervyusida.
Avvalroq Markaziy bank O‘zbekistondagi makroiqtisodiy vaziyat uchun asosiy xavflar orasida Rossiya va boshqa asosiy hamkor mamlakatlardagi iqtisodiy vaziyatning yomonlashishi borligini aytgan.
12-fevral kuni AQSh qonunchilarining bir guruhi Rossiyaga qarshi yangi sanksiyalar paketini kiritishni o‘z ichiga olgan qonun loyihasini taqdim etgan.
“Biz, o‘z iqtisodiyotini yanada ochgan mamlakat sifatida, tashqi shoklarga ko‘nikishimiz kerak, sababi hamkor davlatlarda doimo ham hammasi yaxshi bo‘lavermaydi. Har doim hamma narsa o‘zimizga bog‘liq emas. Biz eksportga yo‘naltirilgan mamlakatmiz. Eksport bizning iqtisodiy o‘sishimizning asosiy tarkibiy qismlaridan biri hisoblanadi, shuning uchun savdo sheriklarining iqtisodiy holati, albatta bizga ta’sir ko‘rsatishi mumkin. Eksportni oshirish uchun xaridor mamlakatlarida yaxshi iqtisodiy vaziyat bo‘lishi kerak. Bulardan hech qayerga qochib bo‘lmaydi”, — dedi Timur Ishmetov.
Markaziy bank boshlig‘ining birinchi o‘rinbosari, “Rossiya uzoq vaqtdan buyon sanksiyalar ostida ekanligiga qaramay” O‘zbekiston iqtisodiyoti o‘sib borayotganini ta’kidladi.
“Gap faqat Rossiyada emas, balki boshqa mamlakatlarda hamdir”,— dedi u.
O‘zbekistonga savdo sheriklariga joriy etilgan sanksiyalarning salbiy ta’sirini kamaytirish uchun tegishli makroiqtisodiy siyosatni amalga oshirish va islohotlarni o‘tkazish zarur, deb hisoblaydi Markaziy bank raisining birinchi o‘rinbosari.
Izoh (0)