Joriy yilning 15—17-fevral kunlari Dehlida o‘tkazilgan “Osiyo she’riyati — 2019” xalqaro festivalida O‘zbekiston nomidan shoira Zebo Mirzayeva ishtirok etdi. Bu haqda O‘zA xabar berdi.
Mahatma Gandining 150 yilligi va atoqli rassom Sayed Haydar Razaning 97 yillik yubileyiga bag‘ishlab o‘tkazilgan mazkur yirik adabiy tadbirda Afg‘oniston, Armaniston, Vyetnam, Eron, Isroil, Singapur, Kamboja, Laos, Xitoy, Janubiy Koreya, Yaponiya kabi 20 davlatdan kelgan 30 ga yaqin ijodkor qatnashgan.
Hindistondagi “Raza Foundation” jamg‘armasi rahbari Ashok Vajpeyi shoira ijodini yuksak baholagan.
Ma’lumot uchun, “Osiyo she’riyati—2019” xalqaro festivali tashkilotchilaridan biri “Raza Foundation“ notijorat jamg‘armasiga hind zamonaviy san’at ustasi Sayed Haydar Raza tomonidan 2001-yilda asos solingan.
Jamg‘arma Hindistondagi adabiyot va san’at yo‘nalishlarida faoliyat ko‘rsatuvchi muassasalarga ko‘mak berib keladi.
Izoh (0)