O‘zbekistondagi ilk nodavlat oliy talim muassasasi — Akfa universiteti 2019-yilning 1-sentabridan oz faoliyatini boshlaydi. Bu haqda Akfa universitetini tashkil etish bo‘yicha loyiha rahbari Bekzod Jalilovning so‘zlariga asoslanib, “Daryo” muxbiri Sevara Nishonova xabar berdi.
Universitet Shayhontohur tibbiyot kolleji joylashgan hududda barpo etiladi. Bo‘lg‘usi talabalar amaliy bilimlarni ushbu dargohda olib, amaliyotni Akfa Medline klinikasida o‘taydi.
Loyihaning rekonstruksiya ishlari va texnik ta’minoti uchun 5 million dollardan ziyod sarmoya kiritilgan.
Universitet Janubiy Koreyaning Gachong universiteti bilan hamkorlikda tashkil etilmoqda. Ushbu universitet Janubiy Koreyaning eng yetakchi universitetlaridan bo‘lib, u 1939-yildan beri faoliyat ko‘rsatmoqda. Universitet talabalari 10 ta yo‘nalish bo‘yicha tahsil oladi, har yili ushbu OTMni 400 nafar talaba bitiradi.
Loyiha 3 bosqichda amalga oshiriladi:
1-bosqich: tibbiyot yo‘nalishi
2-bosqich: arxitektura, muhandislik ishi va dizayn
3-bosqich: sanoat sohasida muhandislik ishi
Dastlabki o‘quv yilida universitet 200 nafar abituriyentni o‘qishga qabul qiladi. Shundan 100 ta o‘rin O‘zbekiston fuqarolari uchun bepul asosda, qolgan 100 tasi xorijiy talabar uchun pullik asosda taqdim etiladi.
O‘quv jarayoni chet el oliygohlari bilan hamkorlikda, xorijiy professorlarni jalb qilgan holda ingliz tilida olib boriladi.
Talabalar universitetda 6 yil ta’lim oladi:
- 2 yil tibbiy tayyorlov kurslari
- 2 yil asosiy tibbiyot
- 2 yil klinik tibbiyot
Izoh (0)