Жорий йилнинг 15—17 февраль кунлари Деҳлида ўтказилган «Осиё шеърияти — 2019» халқаро фестивалида Ўзбекистон номидан шоира Зебо Мирзаева иштирок этди. Бу ҳақда ЎзА хабар берди.
Маҳатма Гандининг 150 йиллиги ва атоқли рассом Саид Ҳайдар Разанинг 97 йиллик юбилейига бағишлаб ўтказилган мазкур йирик адабий тадбирда Афғонистон, Арманистон, Вьетнам, Эрон, Исроил, Сингапур, Камбожа, Лаос, Хитой, Жанубий Корея, Япония каби 20 давлатдан келган 30 га яқин ижодкор қатнашган.
Ҳиндистондаги «Raza Foundation» жамғармаси раҳбари Ашок Важпейи шоира ижодини юксак баҳолаган.
Маълумот учун, «Осиё шеърияти—2019» халқаро фестивали ташкилотчиларидан бири «Raza Foundation« нотижорат жамғармасига ҳинд замонавий санъат устаси Саид Ҳайдар Раза томонидан 2001 йилда асос солинган.
Жамғарма Ҳиндистондаги адабиёт ва санъат йўналишларида фаолият кўрсатувчи муассасаларга кўмак бериб келади.
Изоҳ (0)