Ўзбекистонлик Сайфулло Саипов томонидан Нью-Йоркда амалга оширилган теракт бўйича прокурорлар гумонланувчига ўлим жазоси берилишини талаб қилиши мумкин. Бу ҳақда «Nuz.uz» хабар бермоқда.
Бу ишни кўриб чиқаётган Нью-Йоркнинг Жанубий округи судьяси Вернон Бродерик Саипов адвокатларининг президент Трампнинг твитлари ишга сиёсий тус бергани ҳақидаги даъвосини рад этди.
«Нью-Йорк террорчиси С. Саипов касалхонадаги палатасида ИШИД байроғини илиб қўйишларини сўраганида бахтиёр эди. 8 кишини ўлдирган, 12 кишини оғир жароҳатланган бу шахс ўлим жазосига ҳукм қилиниши керак!» деб ёзганди Трамп терактнинг эртаси куни.
Ҳимоя судьядан ё ўлим ҳукмини истисно қилиш ёки мустақил прокурор тайинлашни сўраганди.
Маълумот учун, 31 ёшли Сайфулло Саипов 2017 йил октябрида Жаҳон савдо маркази яқинида рўй берган мазкур терактда ўзини айбдор сифатида тан олмаган.
Изоҳ (0)