Samolyotda yo‘lovchilar sog‘ligini xavf ostiga qo‘ymaslik uchun quyidagi ishlarni qilmaslik lozim, deb yozadi Forum Daily.
Bular qatoriga yalangoyoq yurish, hojatxona oldida joy buyurtma berishni kiritish mumkin. Ma’lum bo‘lishicha, bunday xavf yo‘lovchilarga tarqatiladigan adyollarda ham bor.
Reddit ijtimoiy tarmog‘ida Mehow44 taxallusi ostidagi styuardlardan biri ular haqidagi bor haqiqatni oshkor qilishga qaror qilgan. O‘zini Southwest Airlines aviakompaniyasi styuardi deb tanishtirgan yigit samolyotdagi adyollar parvozlar orasida hech qachon sanitar tozalashdan o‘tmaganligini aytgan. Uning aytishicha, adyollar avvalgi reyslardagi yo‘lovchilardan qolgan mikroblar bilan zararlangan bo‘lishi mumkin.
“Toza adyollar faqat ushbu mahsulotni etkazib beruvchi shaharlardagi ertalabki parvozlarda berilardi”, — deydi bortkuzatuvchi.
Huffington Post nashrida blog yurituvchi boshqa styuardessa Sara Kigal bu ma’lumotni tasdiqlagan. Uning so‘zlariga ko‘ra, toza adyollar faqat kunning birinchi reysida beriladi. Shundan so‘ng ular taxlanib, qadoqlanadi va qayta ishlatiladi.
“Chiroyli qadoqlarga ishonib qolmaslik kerak. 2000-yildayoq AQShning to‘qimachilik ishchilari uyushmasi (Needletrades) aviakompaniyalarning bir qismi foydalanilgan adyollarni yuvmasdan qaytadan qadoqlashini ma’lum qilgan”, — deyiladi xabarda.
Keyinroq esa Wall Street Journal’da aviakompaniyalar 5-30 kundan kam bo‘lmagan vaqtda yuvishga berishi haqidagi maqola chop etilgan.
Bu gaplardan keyin aviakompaniyalar o‘zini oqlashni boshlagan. Hususan, US Airways uning reyslarida adyollar bir kunda besh marta yuvilishini, American Airlines esa kechki to‘xtash vaqtida yostiq jildlari va kerak paytda adyollar almashtirilishini ma’lum qilgan.
Biroq mashhur amerikalik aktrisa Nikol Bayer quyushqondan chiqqan vaziyat haqida aytib bergan.
2017-yilda Delta Airlines xizmatidan foydalanib birinchi klassda parvoz qilgan. Lekin shunga qaramay unga bir bo‘lak axlat yuqi bo‘lgan adyol berishgan.
Ehtimol, avvalgi reys yo‘lovchilari taglikni almashtirish vaqtida adyolga chaqaloqni qo‘yib turgan bo‘lishi mumkin.
“Shu sababli aytilgan joyga yaxshi kayfiyatda va sog‘-salomat yetib borish uchun uydan olib kelingan adyoldan foydalangan ma’qul”, — deyiladi xabarda.
Izoh (0)