Стюардессалар: Самолётдаги адёллардан фойдаланмаслик лозим

Самолётда йўловчилар соғлигини хавф остига қўймаслик учун қуйидаги ишларни қилмаслик лозим, деб ёзади Forum Daily.

Булар қаторига ялангоёқ юриш, ҳожатхона олдида жой буюртма беришни киритиш мумкин. Маълум бўлишича, бундай хавф йўловчиларга тарқатиладиган адёлларда ҳам бор.

Reddit ижтимоий тармоғида Mehow44 тахаллуси остидаги стюардлардан бири улар ҳақидаги бор ҳақиқатни ошкор қилишга қарор қилган. Ўзини Southwest Airlines авиакомпанияси стюарди деб таништирган йигит самолётдаги адёллар парвозлар орасида ҳеч қачон санитар тозалашдан ўтмаганлигини айтган. Унинг айтишича, адёллар аввалги рейслардаги йўловчилардан қолган микроблар билан зарарланган бўлиши мумкин.

«Тоза адёллар фақат ушбу маҳсулотни этказиб берувчи шаҳарлардаги эрталабки парвозларда бериларди», — дейди борткузатувчи.

Huffington Post нашрида блог юритувчи бошқа стюардесса Сара Кигал бу маълумотни тасдиқлаган. Унинг сўзларига кўра, тоза адёллар фақат куннинг биринчи рейсида берилади. Шундан сўнг улар тахланиб, қадоқланади ва қайта ишлатилади.

«Чиройли қадоқларга ишониб қолмаслик керак. 2000 йилдаёқ АҚШнинг тўқимачилик ишчилари уюшмаси (Needletrades) авиакомпанияларнинг бир қисми фойдаланилган адёлларни ювмасдан қайтадан қадоқлашини маълум қилган», — дейилади хабарда.

Кейинроқ эса Wall Street Journal’да авиакомпаниялар 5-30 кундан кам бўлмаган вақтда ювишга бериши ҳақидаги мақола чоп этилган.

Бу гаплардан кейин авиакомпаниялар ўзини оқлашни бошлаган. Ҳусусан, US Airways унинг рейсларида адёллар бир кунда беш марта ювилишини, American Airlines эса кечки тўхташ вақтида ёстиқ жилдлари ва керак пайтда адёллар алмаштирилишини маълум қилган.

Бироқ машҳур америкалик актриса Никол Байер қуюшқондан чиққан вазият ҳақида айтиб берган.

2017 йилда Delta Airlines хизматидан фойдаланиб биринчи классда парвоз қилган. Лекин шунга қарамай унга бир бўлак ахлат юқи бўлган адёл беришган.

Эҳтимол, аввалги рейс йўловчилари тагликни алмаштириш вақтида адёлга чақалоқни қўйиб турган бўлиши мумкин.

«Шу сабабли айтилган жойга яхши кайфиятда ва соғ-саломат етиб бориш учун уйдан олиб келинган адёлдан фойдаланган маъқул», — дейилади хабарда.