El Chapo (Pakana) laqabi bilan mashhur bo‘lgan dunyoning eng mashhur jinoyatchisi meksikalik narkobaron Xoakin Gusman o‘ziga qaratilgan 10 ta jinoyatlarda aybdor deb topildi. Bu haqda BBC xabar berdi.
Bruklin federal sudi to‘rt oy davomida Gusmanga qaratilgan ayblovlarni ko‘rib chiqqan. Unga ko‘ra, Gusman AQShda 25 yil davomida 155 tonna kokain, shuningdek boshqa giyohvand moddalar — metamfetamin va marixuanani noqonuniy olib kirishda aybdor deb topilgan.
61 yoshli Gusman AQShda 20 yil davomida eng ko‘p qidiriluvchi jinoyatchi bo‘lgan va 2013-yilda jinoiy ishlar bo‘yicha Chikago Komissiyasi tomonidan “birinchi raqamli xalq dushmani” deb topilgan.
U bir necha marta Meksika qamoqlaridan qochib ketishga erishgan. Gusman 2017-yilning yanvar oyida AQShga ekstraditsiya qilingan. U Nyu-York sudida o‘ziga qo‘yilgan birorta ayblovlarni tan olmagan. Uch oy davom etgan sud jarayonida 56 nafar guvoh ishtirok etgan. Ularning 14 nafari jinoyatchilar edi. Ammo keyinchalik aybini yumshatish maqsadida ular tergovga hamkorlik qilishni boshlagan.
Prokuratura CW1 kodi bo‘yicha kodlangan guvohning ma’lum qilishicha, El Chapo voyaga yetmagan qizlarni, ba’zan 13 yoshlilarni zo‘rlab kelgani haqidagi bir necha hujjatlarni oshkor qilgan. U shuningdek, siyosatchilarni ham pora berib o‘ziga og‘dirib olgani, xususan, Meksika prezidenti Meksiki Enrike Penya Nyetoga 100 million dollar pora bergani ma’lum bo‘lgan.
El Chapo o‘nta modda bo‘yicha aybdor deb topilgan va ehtimol umrbod qamoq jazosiga mahkum etilishi mumkin. AQSh Meksikaga uni qatl etmaslikka va’da bergan.
Izoh (0)