Shimoliy Koreya hukumati Janubiy Koreyani u yerda joylashgan qo‘shinga harbiy kuch rahbaridan birining yaqin kunlarda tashrif buyurgani sababli chegara hududida harbiy kuchlar faolligi oshganini tanqid qildi. Bu haqda Rodong Sinmun mamlakat markaziy gazetasida ma’lum qilindi, deb xabar berdi “TASS”.
Oy taqvimi bo‘yicha Yangi yil bayramini nishonlash vaqtida Janubiy Koreya Mudofaa vazirligi bosh shtab boshliqlari birlashgan qo‘mitasi raisi general Pak Xan Gi Koreya yarimorolini ajratib turuvchi demilitarlangan hududga yaqin joylashgan harbiy qismga tashrif buyurgan.
Nashrda yozilishicha, “Bunday qadam kelishuv va tinchlikka zid, shuningdek, bugungi kun tendensiyalariga ham qarshidir”.
Unda, shuningdek, Seulning harbiy budjetni ko‘paytirish va joriy yilning mart oyida AQShdan “stels” texnologiyasiga ega yangi qiruvchi samolyotlar sotib olish rejasi ham tanqid qilingan. Ular Janubiy Koreya maqsadlarini ikki mamlakat rahbarlari tomonidan 2018-yilning aprel va sentabr oylarida imzolangan deklaratsiyaga to‘g‘ri kelmaydigan “xavfli harbiy harakat”, deb atagan.
“O‘zaro tinchlik va muloqot sari harakatga tahdid soluvchi harbiy fitnalarga hech qachon ko‘nmaslik kerak”, — deyiladi Rodong Sinmun gazetasida Janubiy Koreyani harbiy o‘quv mashg‘ulotlari o‘tkazishdan yana bir bor qaytarib.
Izoh (0)