Qirg‘iziston prezidenti Sooronbay Jeenbekov Shanxay hamkorlik tashkiloti Bosh kotibi Vladimir Norovni qabul qildi, deya xabar beradi “Pravda Vostoka”.
Qirg‘iziston prezidenti uni bosh kotib lavozimiga tayinlangani bilan tabrikladi.
“2019-yilning iyun oyida Bishkekda bo‘lib o‘tadigan Shanxay hamkorlik tashkilotiga a’zo davlatlar rahbarlarining sammitidan oldin biz barcha zarur tadbirlarni o‘tkazish hamda mehmonlarni qabul qilishga tayyorgarlik ko‘ryapmiz. Bugungi kunga kelib Shanxay hamkorlik tashkilotiga a’zo davlatlar rahbarlarining majlisida imzolanishi rejalashtirilgan yakuniy hujjatlar ishlab chiqilmoqda. Ishonchim komilki, biz birgalikdagi sa’y-harakatlar bilan yig‘ilishning asosiy qismini sifat jihatidan to‘ldirib, ShHTga a’zo davlatlar xalqlarining farovonligi yo‘lida katta muvaffaqiyatlarga erisha olamiz”, — deya ta’kidladi Sooranbay Jeenbekov.
ShHT Bosh kotibi Vladimir Norovning bosh kotib sifatida birinchi tashrifi Qirg‘izistonga, ya’ni bu yil ShHTga raislik qilayotgan mamlakatga bo‘lishida ramziy ma’no borligini qayd etgan.
Izoh (0)