8-fevral kuni o‘z davrida amerikalik qonun chiqaruvchilar orasida eng ko‘p xizmat qilgani bilan rekord o‘rnatgan AQSh demokratik kongressining sobiq a’zosi Jon Dingell 93 yoshida vafot etdi. Bu haqda “TASS” xabar berdi.
U Kongress quyi palatasida 1955-yilning dekabridan boshlab 2015-yanvar oyigacha 59 yil-u 21 kun davomida Michigan shtati manfaatlarini ifodalagan.
Xuddi shu shtat palatasi vakillaridan bo‘lgan Jon Dingellning rafiqasi Debbi Dingellning aytishicha, u Detroyt shahar chekkasidagi Dirborndagi uyida vafot etgan.
Dingell 2013-yilning yozida Kapitoliy tepaligi (Kongress)da 57 yil-u 176 kun ishlagan Jon Robert Berdni ortda qoldirgan. Umrining so‘nggi yillarida u mustaqil yura olmay qolgan va Kongress bo‘ylab elektromotor o‘rnatilgan nogironlar aravasida harakatlangan.
Palatada faoliyat yuritgan paytida tirishqoqligi bilan mashhur bo‘lgan va hamkasblari tomonidan “Yuk mashinasi” degan laqab olgan. Bu uning AQShning “avtomobil poytaxti” bo‘lmish Deytrotning chekka shaharlari biridan saylanganini ham eslatib turgan. Aynan u 2018-yilda AQSh avtomobil sanoatini iqtisodiy-moliyaviy inqiroz davridan chiqib ketishiga yordam bergan.
2014-yilda Kongressga bo‘lgan saylovlarda uning o‘rnini o‘tgan yilning noyabrida 65 yoshga to‘lgan rafiqasi Debbi Dingell egallagan. Dingellar oilasi Kapitoliya tepaligida 80 yildan ortiq vaqt davomida o‘z o‘rnini saqlab kelmoqda. Uning otasi ham 1933-yildan 1955-yilgacha Palata vakilligida ishlagan.
Izoh (0)