Қирғизистон президенти Сооронбай Жеенбеков Шанхай ҳамкорлик ташкилоти Бош котиби Владимир Норовни қабул қилди, дея хабар беради «Правда Востока».
Қирғизистон президенти уни бош котиб лавозимига тайинлангани билан табриклади.
«2019 йилнинг июнь ойида Бишкекда бўлиб ўтадиган Шанхай ҳамкорлик ташкилотига аъзо давлатлар раҳбарларининг саммитидан олдин биз барча зарур тадбирларни ўтказиш ҳамда меҳмонларни қабул қилишга тайёргарлик кўряпмиз. Бугунги кунга келиб Шанхай ҳамкорлик ташкилотига аъзо давлатлар раҳбарларининг мажлисида имзоланиши режалаштирилган якуний ҳужжатлар ишлаб чиқилмоқда. Ишончим комилки, биз биргаликдаги саъй-ҳаракатлар билан йиғилишнинг асосий қисмини сифат жиҳатидан тўлдириб, ШҲТга аъзо давлатлар халқларининг фаровонлиги йўлида катта муваффақиятларга эриша оламиз», — дея таъкидлади Сооранбай Жеенбеков.
ШҲТ Бош котиби Владимир Норовнинг бош котиб сифатида биринчи ташрифи Қирғизистонга, яъни бу йил ШҲТга раислик қилаётган мамлакатга бўлишида рамзий маъно борлигини қайд этган.
Изоҳ (0)