Alkogol va tamaki mahsulotlarini ishlab chiqarish va ularning aylanmasini davlat tomonidan tartibga solishni takomillashtirish hamda uzumchilik va vinochilikni rivojlantirishga doir chora-tadbirlar to‘g‘risidagi Prezident Farmoni qabul qilindi. Bu haqda Adliya vazirligining “Huquqiy axborot” Telegram-kanalida xabar berildi.
Farmonga muvofiq quyidagilar tashkil etildi:
Qishloq xo‘jaligi vazirligi huzurida Uzumchilik va vinochilikni rivojlantirish agentligi;
Moliya vazirligi huzurida Alkogol va tamaki bozorini tartibga solish inspeksiyasi;
Quyidagi tartib belgilandi:
oziq-ovqat va texnik etil spirti, alkogol va tamaki mahsulotlarini ishlab chiqarish hamda alkogol mahsulotlarining ulgurji savdosi Alkogol va tamaki bozorini tartibga solish inspeksiyasi tomonidan beriladigan litsenziyalar asosida amalga oshiriladi;
barcha yuridik shaxslar qonunchilikda belgilangan tartibda alkogol mahsulotlarining ulgurji savdosi bilan shug‘ullanishga haqli;
mahalliy pivo mahsulotlari, qaynar va tabiiy vinolarni realizatsiya qilish barcha savdo korxonalari, ruxsat etish guvohnomasini olmasdan turib umumiy ovqatlanish korxonalari tomonidan ham amalga oshirilishi mumkin.
Izoh (0)