YeTTB Markaziy bankda “MATLAB—R2018a” dasturini ishlatish bo‘yicha trening o‘tkazadi
Joriy yilning 28-yanvaridan 5-fevraliga qadar Fernando Gonzales va OGResearch konsalting kompaniyasi (Chexiya) mutaxassislari Devid Vavra va Aleks Borodin tarkibidagi Yevropa taraqqiyot va tiklanish banki delegatsiyasi O‘zbekiston Markaziy bankida bo‘lib turibdi, deya xabar berdi Markaziy bank matbuot xizmati.
Tashrifdan ko‘zlangan maqsad Markaziy bankka inflyatsion targetlash rejimida pul-kredit siyosatini amalga oshirish asosiy elementlaridan biri bo‘lgan Makroiqtisodiy tahlil va prognozlashtirish tizimini (FPAS) joriy qilish bo‘yicha texnik yordam ko‘rsatishdan iborat.
Hamkorlik davomida xorijiy ekspertlar tomonidan modellar qurish va prognozlashni amalga oshirish uchun foydalaniladigan “MATLAB—R2018a” kompyuter dasturini ishlatish bo‘yicha treninglar o‘tkaziladi.
