22-yanvarning e’tiborga molik yangiliklari — “Daryo” dayjestida.
Pomir tog‘laridagi 70 kilometr uzunlikdagi Sarez ko‘li 100 yoshdan oshgan. Aslida katta tabiiy ofat natijasida paydo bo‘lgan bu ko‘l ayni paytda Markaziy Osiyoning aholisi uchun katta xavf hisoblanadi.
Bugungi kunda Sarez ko‘lining eng chuqur joyi 505 metrga teng. Yog‘ingarchilik soni va suv bilan qanchalik to‘lishiga qarab, ko‘lning uzunligi 65 dan 75 kilometrgacha o‘zgaradi. Suv havzasining bunday katta o‘lchami atrof-muhit uchun tahdid tug‘diradi.
***
O‘zbekistonliklar va ijtimoiy tarmoq foydanuvchilariga “Hasan tabib” nomi orqali tanilgan andijonlik Hasanboy Ismoilov bilan “Daryo” muxbiri Mirolim Isajonov suhbat uyushtirdi.
So‘nggi paytlarda “Hasan tabib” nomi ijtimoiy tarmoqlarda, xususan, YouTube hamda Facebook’da tez-tez takrorlanib, qizg‘in muhokamalar markaziga aylanmoqda. Shahrixonlik tabib sifatida nafaqat O‘zbekiston, balki qo‘shni davlatlarda ham dong‘i ketgan bu insonning faoliyatini yoqlaganlardan ko‘ra, qoralovchilar ko‘pchilikni tashkil etadi.
***
Qashqadaryoda qurollangan bosqinchilar qo‘lga olindi.
Qurollangan shaxslar A.Sh.ning uyiga bostirib kirib, unga qo‘llari bilan jarohat yetkazgan hamda uning qizi va turmush o‘rtog‘ini qo‘rqitib, milliy va xorijiy valyutadagi pullarini olib, voqea joyidan yashiringan.
***
“Yo‘l harakati xavfsizligini ta’minlash” jamoat tizimining rahbari Konstantin Kroxmal MDH bozorida o‘zbek avtomobillarining kelgusi savdosi bo‘yicha fikr bildirdi.
Kroxmalning so‘zlariga qaraganda, Ravon R4 ushbu brend analoglari bilan nafaqat narx, balki asbob-uskuna bo‘yicha ham raqobat qiladi: masalan, LED chiroqlari, yaxshilangan xavfsizlik yostig‘i.
“Ravon R4 Rossiyaning Lada Vesta rusumiga eng kuchli raqobatchi bo‘lishi kerak. Boshlang‘ich narx to‘rt yuz ming rubldan kamligi ayni muddao,” — deydi ekspert.
***
Xitoyda DNKsi o‘zgartirilgan bolalar tug‘ilgani haqidagi ma’lumotlar rasman tasdiqlandi: tajribalarni genetik olim Xe Szyankuy o‘tkazgan.
Tergovchilarga ko‘ra, Xe Szyankuy tomonidan tashkillangan va xorijliklar ham bo‘lgan guruh inson embrionlari genlariga o‘zgartirish kiritish texnologiyasidan foydalangan. Ular buni oshkor etmaslik uchun atayin tekshiruvlardan yashiringan.
Izoh (0)