Ekspert: Ravon R4 Lada Vesta’ga eng kuchli raqib bo‘lishi kerak

“Yo‘l harakati xavfsizligini ta’minlash” jamoat tizimining rahbari Konstantin Kroxmal MDH bozorida o‘zbek avtomobillarining kelgusi savdosi bo‘yicha fikr bildirdi, deya xabar berdi Sputnik.

“Ravon — ‘Reliable Active Vehicle On Road’ so‘zlarining qisqartmasi bo‘lib, o‘zbek tiliga ‘yo‘ldagi ishonchli, faol avtomobil’ deb tarjima qilinadi. Mashina rusumining nomidan bu eng yaxshi avtomobil ekani ma’lum. Rossiyada uning narxi taxminan uch yuz ming rubl. Bunday avtomobil uchun bu kulguli narx, albatta,” — deydi Kroxmal.

U Ravon haqiqatan ham Rossiyada, O‘zbekistonda va Ukrainada juda yaxshi sotilayotganini ta’kidlab o‘tgan.

Kroxmalning so‘zlariga qaraganda, Ravon R4 ushbu brend analoglari bilan nafaqat narx, balki asbob-uskuna bo‘yicha ham raqobat qiladi: masalan, LED chiroqlari, yaxshilangan xavfsizlik yostig‘i.

“Ravon R4 Rossiyaning Lada Vesta rusumiga eng kuchli raqobatchi bo‘lishi kerak. Boshlang‘ich narx to‘rt yuz ming rubldan kamligi ayni muddao,” — deydi ekspert.

Kroxmalning fikriga ko‘ra, GM Uzbekistan avtomashina reklamasiga ko‘proq e’tibor qaratishi kerak.

O‘z brendini targ‘ib qilish uchun pul ayamasligi kerak. Shunda MDHda uning savdosi yanada sezilarli bo‘ladi.