22 январнинг эътиборга молик янгиликлари — «Дарё» дайжестида.
Помир тоғларидаги 70 километр узунликдаги Сарез кўли 100 ёшдан ошган. Аслида катта табиий офат натижасида пайдо бўлган бу кўл айни пайтда Марказий Осиёнинг аҳолиси учун катта хавф ҳисобланади.
Бугунги кунда Сарез кўлининг энг чуқур жойи 505 метрга тенг. Ёғингарчилик сони ва сув билан қанчалик тўлишига қараб, кўлнинг узунлиги 65 дан 75 километргача ўзгаради. Сув ҳавзасининг бундай катта ўлчами атроф-муҳит учун таҳдид туғдиради.
***
Ўзбекистонликлар ва ижтимоий тармоқ фойданувчиларига «Ҳасан табиб» номи орқали танилган андижонлик Ҳасанбой Исмоилов билан «Дарё» мухбири Миролим Исажонов суҳбат уюштирди.
Сўнгги пайтларда «Ҳасан табиб» номи ижтимоий тармоқларда, хусусан, YouTube ҳамда Facebook’да тез-тез такрорланиб, қизғин муҳокамалар марказига айланмоқда. Шаҳрихонлик табиб сифатида нафақат Ўзбекистон, балки қўшни давлатларда ҳам донғи кетган бу инсоннинг фаолиятини ёқлаганлардан кўра, қораловчилар кўпчиликни ташкил этади.
***
Қашқадарёда қуролланган босқинчилар қўлга олинди.
Қуролланган шахслар А.Ш.нинг уйига бостириб кириб, унга қўллари билан жароҳат етказган ҳамда унинг қизи ва турмуш ўртоғини қўрқитиб, миллий ва хорижий валютадаги пулларини олиб, воқеа жойидан яширинган.
***
«Йўл ҳаракати хавфсизлигини таъминлаш» жамоат тизимининг раҳбари Константин Крохмал МДҲ бозорида ўзбек автомобилларининг келгуси савдоси бўйича фикр билдирди.
Крохмалнинг сўзларига қараганда, Ravon R4 ушбу бренд аналоглари билан нафақат нарх, балки асбоб-ускуна бўйича ҳам рақобат қилади: масалан, LED чироқлари, яхшиланган хавфсизлик ёстиғи.
«Ravon R4 Россиянинг Lada Vesta русумига энг кучли рақобатчи бўлиши керак. Бошланғич нарх тўрт юз минг рублдан камлиги айни муддао,» — дейди эксперт.
***
Хитойда ДНКси ўзгартирилган болалар туғилгани ҳақидаги маълумотлар расман тасдиқланди: тажрибаларни генетик олим Хе Цзянкуй ўтказган.
Терговчиларга кўра, Хе Цзянкуй томонидан ташкилланган ва хорижликлар ҳам бўлган гуруҳ инсон эмбрионлари генларига ўзгартириш киритиш технологиясидан фойдаланган. Улар буни ошкор этмаслик учун атайин текширувлардан яширинган.
Изоҳ (0)