Firibgarlar plastik kartalar haqidagi ma’lumotlarni yig‘ish maqsadida Uzcard saytining klonini yaratdi

Noma’lum shaxslar tomonidan uzcard.uz rasmiy saytining interfeysi nusxalanib, Uzcard to‘lov tizimi nomidan WEBSUM bilan hamkorlikda aksiya tashkil etilgani ro‘yxatga olindi. Bu haqda kompaniya matbuot xizmati xabar berdi.

Reklamada taqdim etilgan ma’lumotga binoan, unda qatnashgan ishtirokchilar o‘z karta raqamlarini kiritib, pul miqdori o‘tkazish evaziga ushbu yuborilgan mablag‘dan ma’lum miqdorda foizlarga ega bo‘lishi nazarda tutilgan.

“Rasmiy ravishda e’lon qilamizki, ushbu aksiya Uzcard banklararo to‘lov tizimi tomonidan tashkillashtirilmagan. Hozirda kompaniyamiz tomonidan ushbu qalloblik hodisasi yuzasidan tergov ishlari boshlangan bo‘lib, yaqin kunlarda uning natijalari borasida Sizlarni xabardor etamiz”, — deyiladi kompaniya xabarida