2019-yilning dastlabki 20 kuni davomida Namangan viloyatida avvalgi yillarda sodir etilib, ochilmay qolgan jinoyatlardan 15 tasi fosh etildi. Bu haqda “Daryo”ga viloyat IIB matbuot xizmati ma’lum qildi.
Shuningdek, tergov va sud idoralaridan yashirinib yurgan 8 nafar qidiruvdagi shaxs ushlandi.
Jumladan, Pop tumanida yashovchi tadbirkor A.K.ga qarashli shoxobchada yo‘qolgan noutbuk shu tumanda yashovchi Yu.B. tomonidan o‘g‘irlab ketilganligi aniqlangan. Hodisani sodir etgan shaxs 11- yanvar kuni ashyoviy dalil bilan qo‘lga olindi.
Namangan tumanida L.A.ning avtomashinasi qarovsiz qoldirilganidan foydalanib, salonda bo‘lgan 1,5 million so‘m o‘g‘irlab ketilgan. Olib borilgan tezkor qidiruv ishlari natijasida 9-yanvar kuni mazkur jinoyatni sodir etgan Namangan shahrida yashovchi S.M. ushlanib, undan ushbu summadagi pullar olingan.
Izoh (0)