Qashqadaryo viloyatining Mirishkor tumanida 14-yanvar kuni ochiq olov bilan ehtiyotsiz muomala qilish oqibatida ona va bola kuyish jarohatini oldi.
IIV axborotiga ko‘ra, M.S. ismli ayol uyi hammomini istish maqsadida o‘tin yoqib, uning ustidan kerosin yoqilg‘isini sepgan. Natijada alanga hosil bo‘lgan.
Oqibatda ayolning o‘zi va u bilan birga bo‘lgan 10 yoshli farzandi kuyish jarohatini olib, kasalxonaga yotqizilgan.
“Surishtiruv ishlari olib borilmoqda”, — deyiladi IIV axborotida.
Izoh (0)