2015 йилда Японияда ходимлари роботлар бўлган дунёдаги илк меҳмонхона очилганди. Бу ҳақда TJournal хабар берди.
Меҳмонхонада турли модель ва шаклдаги роботлар администратор, ташувчи, хизмат кўрсатувчи ва ёрдамчи ролида ишлаган.
Аммо 2019 йилнинг январида Henn-na меҳмонхонаси раҳбарияти 243 та роботдан ярмини ишдан бўшатишга ва уларнинг ўрнига одамларни ишга олишга қарор қилди. Бунинг сабаби роботлар иш жараёнида юзага келадиган доимий муаммолар билан боғлиқ.
The Wall Street Journal роботлар ўз вазифасини уддасидан чиқа олмаган бир нечта вазиятларни келтирган. Муаммони ечиш учун доимий равишда инсонларнинг ёрдамига эҳтиёж сезилган.
Робот-ёрдамчи Чури меҳмонларнинг энг оддий саволларига ҳам жавоб беришни ҳам уддалай олмаган;Ҳар бир хонада унчалик катта бўлмаган ёрдамчи робот бўлган.
Меҳмонларнинг сўзларига кўра, робот хуррак овозига ҳам таъсирланиб «Нима ёрдам керак» деб меҳмонни уйғотган;
Меҳмонларни рўйхатдан ўтказиш билан шуғулланиши керак бўлган иккита робот учун ҳам барча ишни одамлар бажарган, сабаби улар оддий паспортдан нусха кўчиришни ҳам уддалай олмаган;
Иккита ташувчи робот нарсаларни 100 та хонадан атиги 24 тасига элтиб беришга улгурган. Шунингдек улар қор ва ёмғирда ишламаган, йўлакда учрашиб қолишганда эса бир-бирини ўтказиб юборолмай тўхтаб қолган;
Меҳмонхонанинг асосий тематикаси роботлар бўлишига қарамай меҳмонлар роботлар уларни асабийлаштиришини тан олган.
Henn-na меҳмонхонасининг маъмурияти технологиялар тез эскиришини ҳам ҳам тан олди. Аксарият роботлар меҳмонхонада тўрт йил ишлаган. Меҳмонхона раҳбарияти автоматлаштирилган меҳмонхона концепциясидан воз кечмади, аммо ҳозирча унга одамлар зарурлигини тан олди.
Изоҳ (0)