Isroil bosh vaziri Binyamin Netanyaxu mamlakat harbiy havo kuchlari so‘nggi 36 soat davomida Suriyadagi qator obyektlarga hujum qilganini tan oldi. Bu haqda 13-yanvar kuni yahudiy davlati hukumat rahbari kanselyariyasi saytida ma’lum qilindi.
Netanyaxuning aniqlik kiritishicha, Isroil samolyotlari Suriya poytaxti Damashqdagi Eron qurol-yarog‘ omboriga zarba bergan. Uning so‘zlariga ko‘ra, ushbu hujumlar Isroil “Suriyada Eronga qarshi harakatlar olib borishga har qachongidan ko‘ra qat’iy kirishgani”dan dalolat beradi.
Shuningdek, bosh vazirning eslatishicha, isroillik harbiylar Livan bilan chegara yaqinida livanlik shialarning “Hizbullo” harakati tomonidan kovlangan oltinchi tunnelni topgan.
Izoh (0)