Исроил бош вазири Биньямин Нетаньяху мамлакат ҳарбий ҳаво кучлари сўнгги 36 соат давомида Суриядаги қатор объектларга ҳужум қилганини тан олди. Бу ҳақда 13 январь куни яҳудий давлати ҳукумат раҳбари канцелярияси сайтида маълум қилинди.
Нетаньяхунинг аниқлик киритишича, Исроил самолётлари Сурия пойтахти Дамашқдаги Эрон қурол-яроғ омборига зарба берган. Унинг сўзларига кўра, ушбу ҳужумлар Исроил «Сурияда Эронга қарши ҳаракатлар олиб боришга ҳар қачонгидан кўра қатъий киришгани»дан далолат беради.
Шунингдек, бош вазирнинг эслатишича, исроиллик ҳарбийлар Ливан билан чегара яқинида ливанлик шиаларнинг «Ҳизбулло» ҳаракати томонидан ковланган олтинчи туннелни топган.
Изоҳ (0)