AQSh uy-joy qurilish va shahar rivojlanish sobiq vaziri demokrat Xulian Kastro 2020-yilgi saylovlarda mamlakat prezidentligigi nomzodini qo‘yish rejasi haqida ma’lum qildi. Bu haqda “RBK” xabar berdi.
“Mening buvim bu yerga ko‘chib kelganida, qariyb yuz yildan so‘ng uning nabiralaridan biri AQSh kongressida xizmat qilishini, yana bir nabirasi esa oldingizda turib “Men AQSh prezidentligiga nomzodman” deb aytishini hayoliga ham keltirmagandir”, — deydi Kastro.
Kastro 44 yoshda, u meksikalik muhojirlarning avlodidan. O‘zining prezidentlik borasidagi istaklari haqida u 2009—2014-yillarda San Antonioda mer bo‘lgan paytida ma’lum qilgandi.
Mer bo‘lib saylanishidan oldin u transmilliy Akin Gump Strauss Hauer & Fiyeld yuridik firmasida faoliyat yuritgan.
2014-yilda Barak Obama prezidentligi davrida Kastro uy-joy xo‘jaligi va shahar rivojlanish vaziri bo‘lgan va ushbu lavozimni 2017-yilning yanvarida tark etgan.
Avvalroq, AQSh prezidentligiga nomzodini qo‘yish istagi haqida Yaqin Sharqda Vashington siyosati tan qidi bilan mashhur kongressvumen Tulsi Gabbard ma’lum qilgandi.AQSh prezidenti saylovlari 2020-yilning noyabrida bo‘lib o‘tadi. Unda ishtirok etish rejasi haqida Donald Tramp, milliarder va Bloomberg agentligi asoschisi Maykl Blumberg, shuningdek sobiq vitse-prezident Jo Bayden ham ma’lum qilgandi.
Izoh (0)