АҚШ уй-жой қурилиш ва шаҳар ривожланиш собиқ вазири демократ Хулиан Кастро 2020 йилги сайловларда мамлакат президентлигиги номзодини қўйиш режаси ҳақида маълум қилди. Бу ҳақда «РБК» хабар берди.
«Менинг бувим бу ерга кўчиб келганида, қарийб юз йилдан сўнг унинг набираларидан бири АҚШ конгрессида хизмат қилишини, яна бир набираси эса олдингизда туриб «Мен АҚШ президентлигига номзодман» деб айтишини ҳаёлига ҳам келтирмагандир», — дейди Кастро.
Кастро 44 ёшда, у мексикалик муҳожирларнинг авлодидан. Ўзининг президентлик борасидаги истаклари ҳақида у 2009—2014 йилларда Сан Антониода мер бўлган пайтида маълум қилганди.
Мер бўлиб сайланишидан олдин у трансмиллий Akin Gump Strauss Hauer & Fiyeld юридик фирмасида фаолият юритган.
2014 йилда Барак Обама президентлиги даврида Кастро уй-жой хўжалиги ва шаҳар ривожланиш вазири бўлган ва ушбу лавозимни 2017 йилнинг январида тарк этган.
Аввалроқ, АҚШ президентлигига номзодини қўйиш истаги ҳақида Яқин Шарқда Вашингтон сиёсати тан қиди билан машҳур конгрессвумен Тулси Габбард маълум қилганди.АҚШ президенти сайловлари 2020 йилнинг ноябрида бўлиб ўтади. Унда иштирок этиш режаси ҳақида Дональд Трамп, миллиардер ва Bloomberg агентлиги асосчиси Майкл Блумберг, шунингдек собиқ вице-президент Жо Байден ҳам маълум қилганди.
Изоҳ (0)