Niderlandiyalik astronavt Andre Kuipers Orbitadan turib tasodifan AQShning 911 qutqaruv xizmatiga qo‘ng‘iroq qildi. Bu haqda “Liga Novosti” xabar berdi.
Kuipersning aytishicha, u Xyustondagi NASA Kosmik markazi bilan muloqot qilmoqchi bo‘lgan, ammo tasodifan AQShning favqulodda vaziyatlar xizmatiga qo‘ng‘iroq qilgan.
Astronavt Xyustondagi markaz bilan bog‘lanish uchun avval “9” raqamini terishi, keyin esa xalqaro aloqa uchun “011”ni terishi lozim bo‘lgan.
Ammo koinotdagi odam buni amalga oshirishi oson emas. “Men adashdim va ertasi kuni “Siz 911 raqamiga qo‘ng‘iroq qilganmidingiz?” degan elektron xabarnoma oldim”, — deydi Kuipers.
Uning aytishicha, kosmonavtlar orbitadan turib 70 foiz hollarda Yerdagi telefonlarga tushadi. Ammo vaqtning tafovuti aloqa qilish imkonini bermaydi.
“Ba’zida odamlar hech kim gapirmayapti, deb go‘shakni qo‘yadi, shu sabab men raqam tergan zahotim gapira boshlayman”, — deydi u.
Kuipers koinotga ikki marta parvoz amalga oshirgan va u yerda 203 kun vaqt o‘tkazgan.
Izoh (0)